Сёння нараджаецца нацыя

Сёння нараджаецца нацыя

Нацыя не цацачных парадаў, не дажыначных скокаў ды славянскіх базараў, не запалоханых прыкарытнікаў ды звар’яцелых сілавікоў. Нацыя адважных ды годных.

Для нас гонар, што ў гэтым руху нашыя былыя ды сённяшнія студэнты.

Мы трапілі ў гісторыю: на нашых вачох на кавалкі развальваецца айчынны аўтарытарызм. Сістэма бюракратычнага ідыятызму, паліцэйскага ціску ды ідэалагічнага праграмавання свядомасці, шалёна абараняючы сваю ўладу, уключыла тым самым рэжым самаразбурэння. І спрабуе ўцягнуць за сабой усіх нас. Гвалтам. Катаваннямі. Хлуснёй. Шантажом ды прымусам.

Яны пакідаюць нам адзіны выбар: трымацца. Стаяць да канца. Не баяцца і не дараваць. Берагчы сваіх. Працаваць на будучыню.

Падобна, гэтым разам яна так блізка, як ніколі раней.

* фота – onliner.by

You may also like...